کراچی(نیوزڈیسک)کراچی میں 5ہزار روپے کے نوٹ نایاب ہوگئے ہیں اورمنی لانڈرنگ کےلئے بڑی تعداد میں لانچوں میں بھر کر عرب ممالک اسمگل کئے جارہے ہیں۔ نجی ٹی وی کی رپورٹ کے مطابق ایان علی کی طرف سے منی لانڈرنگ کیس میں گرفتاری کے بعد کرنسی اسمگلر محتاط ہو گئے ہیں اور انہوں نے لانچوں کے ذریعہ اسمگلنگ شروع کر دی ہے۔رپورٹ کے مطابق پاکستانی کرنسی کا عرب ممالک میں تبادلہ کیا جاتا ہے اور وہاں سے اوورسیز پاکستانی غیرملکی کرنسی کے بدلے یہی پاکستانی روپے حاصل کر کے واپس ملک بھجواتے ہیں۔