ایجبسٹن(نیوزڈیسک) انگلینڈ اور نیوزی لینڈ کے درمیان میچ سے قبل گراونڈ کے کچن میں آگ لگنے سے میچ کی تیاریاں تعطل کا شکار ہو گئی ہیں۔انگلینڈ اور نیوزی لینڈ کے درمیان پانچ ایک روزہ میچوں کی سیریز کا پہلا میچ کل ایجبسٹن میں کھیلا جائے گا لیکن پیر کو میچ کی حتمی تیاریاں اسٹیڈیم کے کچن میں آگ لگنے سے متاثر ہو گئیں۔دوپہر کو لگنے والی اس آگ کے بعد آگ لگنے کے بعد فائر بریگیڈ کی پانچ اور ایمبولینس کی تین گاڑیاں موقع پر پہنچ گئیں اور اسٹیڈیم کو خالی کرا لیا گیا۔سٹاف کے ایک رکن کو فوراً احتیاطی تدابیر کے طور پر گھر بھیج دیا گیا جبکہ دیگر کو طبی امداد فراہم کی گئی۔