اسلام آباد (نیوز ڈیسک) پیپلزپارٹی کی نائب صدر شیری رحما ن بلا مقابلہ سینیٹر منتخب ہو گئیں‘ ۔ پیر کے روز سندھ الیکشن کمیشن میں پیپلزپارٹی کی نائب صدر شیری رحمان کے مقابلے میں کسی مدمقابل رہنما نے کاغذات جمع نہیں کرائے جس کے بعد چھان بین مکمل ہونے کے بعد شیری رحمٰن پیپلزپارٹی کی بلا مقابلہ سینیٹر منتخب ہو گئیں جبکہ نو منتخب سینیٹر شیری رحمان نے میڈیا سے گفتگو کرتے ہوئے کہا کہ پارٹی میں بلاول بھٹو کی آمد سے ایک نئی جان آ گئی ہے اب پیپلزپارٹی پنجاب میں بھی فعال ہو گئی اور وہاں پر غریب عوام کے مسائل سن کر انکو حل بھی کرے گی انہوں نے کہا کہ آج ملک میں 18 گھنٹے لوڈشیڈنگ چل رہی ہے۔ حکومت نے میٹرو تو بنا دی ہے لیکن عوام کے بنیادی مسائل حل نہیں کئے‘ پیپلزپارٹی حکومت میں آ کر تمام بنیادی مسائل کو حل کریگی اور پھر سے ملک میں پیپلزپارٹی کا بول بالا ہو گا۔