مظفر آباد (نیوزڈیسک) وزیراعظم آزاد کشمیر چوہدری عبدالمجید باتھ روم میں گر کر زخمی ہو گئے اور چہرے پر معمولی زخم آئے ہیں۔ تفصیلات کے مطابق وزیراعظم آزاد کشمیر چوہدری عبدالمجید نے اخبار نویسوں کو بتایا کہ آپ لوگ حیرت سے مجھ سے کیوں پوچھ رہے ہیں کہ میں کالا چشمہ لگا کر کیوں آیا ہوں،تو لہٰذا میں آپ سے کوئی بات چھپانا نہیں چاہتا، دو روز قبل باتھ روم میں گر گیا تھا جس کی وجہ سے میرے چہرے پر معمولی زخم آئے جنہیں چھپانے کیلئے میں نے کالا چشمہ پہن رکھا تھا اور سب لوگ حیران ہو رہے تھے کہ میں کالا چشمہ اجلاسوں کے دوران کیوں پہن رہا ہوں، اس لئے اب میں نے کالا چشمہ اتار دیا ہے۔