اسلام آباد(مانیٹرنگ ڈیسک)بھارت میں22برس قبل وفات پانے والے مسلمان ناصر احمد کی تر و تازہ میت دیکھ کر لوگ دنگ رہ گئے ۔میڈیا رپورٹس کے مطابق بھارتی ریاست اترپردیش کے ضلع بندہ کے علاقے بابیرو میں گزشتہ دنوں موسلادھار بارشوں کی وجہ سے قبرستان میں بھی پانی جمع ہوگیا جس کے نتیجے میں متعدد قبریں منہدم ہوگئی تھیں۔

ایسی ہی ایک قبر کو درست کرنے کیلئے قبرستان کمیٹی کے ارکان جب وہاں پہنچے تو وہ یہ دیکھ کر حیران رہ گئے کہ قبر میں موجودمیت بالکل تروتازہ اور کفن بھی بے داغ اور شفاف ہے ۔ مقامی افراد کے مطابق یہ معجزہ ہے ، ناصر احمد نیک شخص تھا، اس پر اللہ کی رحمت ہے ۔مقامی علما سے مشاوت کرکے میت کو قریب ہی واقع دوسرے قبرستان میں دفنا دیا گیاہے ۔