لاہور(این این آئی) سابق وزیراعظم نوازشریف کے صاحبزادے حسین نواز نے کہا ہے کہ جج ارشد ملک کا مس کنڈکٹ ثابت ہوا بلکہ ایف آئی اے رپورٹ بھی بے نتیجہ رہی، ثابت ہوا کہ نوازشریف کی سزا ناحق ہے،نہ انصافی کھل کر سامنے آگئی۔ٹویٹر پراپنے بیان میں حسین نواز نے کہاکہ سپریم کورٹ نے چیئرمین نیب کو مقدمہ بنانے کا خودحکم دیا تھا نگران جج بھی مقرر کیا

بلکہ مدت بھی چھ ماہ دی تھی۔امید ہے کہ بے گناہ کو چھوڑنے میں بھی یہی روش برقرار رہے گی۔انہوں نے کہاکہ تیاری میں وقت ضرور لگتا ہے لیکن کسی کو شک نہیں ہونا چاہیے کہ ہائی کورٹ میں اپیل کا مقدمہ بھرپور انداز میں لڑا جائے گا۔تحقیقات ضرور جاری رہیں لیکن ناحق سزا ثابت ہونے کے بعد پروسیجر کے نام پر بیگناہ کا قید رہنا کیا قانونا ًانصاف ہے؟

موضوعات:حسین نواز