نئی دہلی (این این آئی)بھارت کے نااہل رکن پارلیمنٹ 22 کروڑ کی گاڑی کے مالک بن گئے،رولس رائس فینٹم (ہشتم) کار انڈیا میں فروخت ہونے والی سب سے مہنگی گاڑی ہے جس کی قیمت 22 کروڑ روپے بنتی ہے۔یاد رہے کہ کرناٹک میں ہوسکوٹے سے کانگریس کے ٹکٹ پر منتخب رکن اسمبلی ایم ٹی بی ناگاراج کو گذشتہ دنوں کرناٹک اسمبلی کے سپیکر کے ذریعے پارٹی مخالف سرگرمیوں کی وجہ سے نااہل قرار دیا گیا تھا۔بھارتی ٹی وی کے مطابق اس کار کی خاص بات یہ ہے کہ اس میں خریدار

کی خواہش کے مطابق تبدیلیاں بھی کی جاسکتی ہیں۔ بہرحال یہ معلوم نہیں کہ ایم بی ٹی ناگ راج نے اس میں کسی قسم کی تبدیلی کرائی ہے یا کوئی اضافی سہولت بھی حاصل کی ہے۔ناگراج نے انتخابات سے قبل ایک ہزار کروڑ مالیت کے اثاثے ظاہر کیے تھے جس سے ان کی اتنی مہنگی گاڑی خریدنے کی اہلیت واضح ہوتی ہے لیکن ان کے ناقدین کا خیال ہے کہ اتنی مہنگی کار کی خریداری دراصل اس پیسے سے ہی ممکن ہوسکی ہے جو بی جے پی نے انھیں اپنی پارٹی کے خلاف جانے کے لیے دیا تھا۔