اسلام آباد (این این آئی)ٹینس کے میدان کے سپر اسٹار سوئزرلینڈ کے راجر فیڈر نے اپنی 38ویں سالگرہ منا ئی۔ تفصیلات کے مطابق 8اگست1981کو سوئزرلینڈ کے شہر بازل میں پیدا ہونے والے6فٹ 1انچ قد کے حامل راجرفیڈرر نے اپنے پروفیشنل ٹینس کیرئیر کا اذغاز17سال کی عمر سے کیا۔جونیئر ٹینس ٹورنامنٹس میں کمال مہارت کا کھیل پیش کرتے ہوئے میجر مین ایونٹس میں حصہ لینے والے راجر فیڈر20گرینڈ سلم ٹائٹلز جیتنے کے

علاوہ کئی دیگر ٹینس ٹائٹلز اپنے نام کرچکے ہیں۔اے ٹی پی ایسوسی ایشن آف ٹینس پروفیشنلز کی رینکنگ میں دوسرے نمبرپر موجودراجر فیڈرر 2004 سے2008ء تک نہ صرف مسلسل237ہفتے نمبر ون پر رہنے کا اعزاز رکھتے ہیں بلکہ 302ہفتوں تک نمبر ون پوزیشن پر رہنے والے والے بھی واحد ٹینس پلیئر ہیں۔راجر فیڈررمعروف جریدے فوربز کی سب سے زیادہ معاوضہ کمانے والے ایتھلیٹس کی فہرست میں ساتویں نمبر پر ہیں۔