لاہور( این این آئی)پاکستان مسلم لیگ (ن) پنجاب کی سیکرٹری اطلاعات عظمیٰ بخاری پارٹی قائد کی صاحبزادی مریم نواز کی گرفتاری پر رو پڑیں۔ مریم نواز کی گرفتاری کی اطلاع پر لیگی رہنمااور کارکنان نیب لاہور کے ہیڈ کوارٹر ٹھوکر نیاز بیگ پہنچ گئے اور حکومت اور نیب کے خلاف نعرے لگاتے رہے ۔اس موقع پر مریم نواز کی گرفتاری پر
عظمیٰ بخاری کی آنکھیں اشکبار ہو گئیں ۔دوسری جانب قومی احتساب بیورو( نیب ) کے اعلامیے کے مطابق مریم نواز اور یوسف عباس کو چوہدری شوگر ملز کیس میں گرفتارکرلیا گیا ہے ۔ چیئرمین نیب کے حکم پر ڈاکٹرز کی ٹیم نے ان کا طبی معائنہ کیا ۔ مریم نواز اور یوسف عباس کوکل احتساب عدالت لاہور میں ریمانڈ کیلئے پیش کیا جائے گا ۔
