سیالکوٹ(آن لائن)بھارت کی طرف سے دریائے چناب میں بگلیہار ڈیم سے پانی چھوڑنے جانے کی وجہ سے ہیڈمرالہ کے مقام پر پانی کی آمد 87ہزار چوبیس کیوسک ہوگئی ہے جس کے بعد ایری گیشن کا محکمہ الرٹ ہوگیا ہے اور دریاے چناب کے پانی کی مانیٹرنک جاری ہے،

ترجمان ایری گیشن کے مطابق مقبوضہ کشمیرسے آکر دریائے چناب میں شامل ہونے والے دودیگر دریاؤں دریائے مناور توی کے پانی کی آمدچھ ہزار سات سو اڑتیس کیوسک اور دریائے جموں توی کے پانی کی آمد پانچ ہزار چھ سو چار کیوسک رہی جس کی وجہ سے دریائے چناب کے مجموعی پانی کی آمد اٹھانوے ہزار آٹھ سو چھیاسٹھ کیوسک رہی جبکہ ہیڈمرالہ کے مقام سے نکلنے والی نہر اپرچناب میں پانی کا بہاؤ بارہ ہزار پچاس کیوسک اور نہر مرالہ راوی لنک میں پانی کا بہاؤ اٹھارہ ہزار کیوسک رہا،ڈپٹی کمشنر سید سیالکوٹ بلال حیدرکے مطابق دریائے چناب کاپانی چند ماہ قبل تک بارہ سے اٹھارہ ہزار کیوسک تھا اور نہر مرالہ راوی لنک مکمل کئی ماہ سے بند تھی اور1960ء میں ہونے والے سندھ طاس معاہدہ کے تحت دریائے چناب میں بھارت ہر لمحہ22ہزار کیوسک پانی چھوڑنے کا پابند تھا جس نے کئی سالوں سے دریائے چناب کا پانی روک رکھا تھااوردریائے چناب کو بنجر بنایا ہوا تھااور اب بھارت نے زیادہ پانی چھوڑا ہے تاکہ پاکستان کو نقصان پہنچایا جاسکے،ضلعی انتظامیہ الرٹ ہے اور انتظامات مکمل ہیں۔