اسلام آباد (این این آئی)چیئرمین سینیٹ صادق سنجرانی نے پاکستان تحریک انصاف (پی ٹی آئی) کے رہنما جہانگیر ترین سے ملاقات کی جس میں چیئرمین سینیٹ کی رہائش گاہ پر ہوئی جہاں جہانگیر ترین نے چیئرمین سینیٹ کو مبارک باد دی۔ملاقات میں وزیراعلیٰ بلوچستان جام کمال، گرینڈ ڈیموکریٹک الائنس کے رکن اسمبلی علی گوہر مہر، صحافی حامد میر سمیت دیگر لوگ موجود تھے۔ملاقات میں چیئرمین سینیٹ صادق سنجرانی نے حکومتی حمایت پر شکریہ ادار کیا جبکہ جہانگری ترین نے کہا کہ

تحریک عدم اعتماد کی ناکامی سے ثابت ہو گیا آپ کو ایوان کا اعتماد حاصل ہے۔جہانگیر ترین نے کہا کہ حکومت ایوان بالا میں چیئر مین سینیٹ کی حمایت جاری رکھے گی کیونکہ حکومت اداروں کی بالا دستی پر یقین رکھتی ہے۔انہوں نے کہا کہ پی ٹی آئی حکومت نے ہمیشہ جمہوریت کا ساتھ دیا ہے، عدم اعتماد کی تحریک پر شکست اپوزیشن کے سیاسی فیصلوں کی شکست ہے۔اس دوران چیئرمین سینیٹرز کے اعتماد پر سب کا شکر گزار ہوں، آئندہ بھی ایوان کو غیرجانبداری سے چلاؤں گا۔