لاہور(این این آئی) پیپلزپارٹی پنجاب کے صدر قمر زمان کائرہ نے کہا ہے کہ ووٹ ہار گئے، نوٹ جیت گئے،اپوزیشن ہار کر بھی جیت گئی، حکومت جیت کر بھی ہار گئی۔قمرزمان کائرہ نے چیئرمین سینیٹ کے خلاف تحریک عدم اعتماد کی ناکامی پر اپنے رد عمل اظہار کرتے ہوئے کہاکہ 14ارکان کی وفاداری بدلنے کے باوجود چیئرمین سینیٹ تحریک عدم اعتماد

میں اکثریت نہیں لے سکے۔چیئرمن سینیٹ کے خلاف 50 ارکان نے اور ان کے حق میں 44 نے ووٹ دئیے، آج جمہوری قوتیں کمزور اور فسطائی طاقتیں مضبوط ہوئی ہیں۔ پارلیمنٹ کے اندر سے جمہوری عمل پر وار کیا گیا ہے۔انہوں نے کہاکہ ایوان کی اکثریت کا اعتماد کھونے کے بعد چیئرمین سینیٹ کااس عہدے پر رہنے کا کوئی اخلاقی جواز نہیں۔

موضوعات:قمر زمان کائرہ