لاہور(این این آئی)پاکستان مسلم لیگ (ن) کی مرکزی نائب صدر مریم نواز نے چیئر مین سینیٹ کے خلاف تحریک عدم اعتماد کی ووٹنگ پر رد عمل دیتے ہوئے کہا ہے کہ ڈرا دھمکا کر چند ووٹ توڑنے کا کھیل قابل فخر نہیں بلکہ شرمناک فعل ہے اوریہ ہر بار کامیاب نہیں ہو سکتا۔ٹوئٹر پر اپنے بیان میں مریم نواز نے کہا کہ جمہوری قوتوں کو ڈرے بغیر اپنا حق چھیننا چاہیے، سلیکٹڈ کب تک خیر منائیں گے؟ جعلسازی کو

ایک دن مٹنا ہے، تحریک عدم اعتماد دوبارہ لانی چاہیے۔ایک اور ٹویٹ میں ان کا کہنا تھا کہ چیئر مین سینیٹ کے انتخاب میں 65ووٹ والے ہار گئے ہیں جبکہ 36ووٹ والے جیت گئے ہیں، پاکستانیوں اب 2018کے عام انتخابات کی سمجھ آ گئی ہو گی۔مریم نواز کا مزید کہنا تھا کہ نواز شریف کا مقابلہ میدان میں نہیں بلکہ باہر ہی کر سکتے ہیں، ”خفیہ“ بیلٹ کے ذریعے جو خفیہ نہیں ہوگا،نواز شریف جیت جائے گا انشااللہ۔

موضوعات:مریم نواز