ڈیرہ اسماعیل خان (نیوزڈیسک)ڈیرہ اسماعیل خان بم دھماکے میں ڈی ایس پی سمیت چار پولیس اہلکار زخمی ہوگئے – اطلاعات کے مطابق ڈیرہ اسماعیل خان کے علاقے تھانہ کولاچی کے علاقے گرامستان میں پولیس وین کے قریب ہونیوالے سڑک کنارے نصب بم کے دھماکے میں ڈی ایس پی ظہور الدین سمیت چار اہلکار زخمی ہوگئے۔زخمی اہلکاروں کو تحصیل ہیڈ کوارٹر ہسپتال کولاچی منتقل کردیا گیا جہاں ان کی حالت خطرے سے باہر ہے۔ پولیس کے مطابق اس سے قبل بھی دہشتگردوں کی جانب سے فائرنگ کے واقعے میں ڈی ایس پی ظہور الدین کی جان لینے کی کوشش کی جاچکی ہے۔دھماکے کے بعد فرنٹیئر کورپس (ایف سی) اور ریسکیو اہلکار جائے وقوع پر پہنچ گئے اور شواہد اکھٹے کرکے تفتیش کا آغاز کردیا گیا سیکیورٹی فورسز کی جانب سے علاقے میں سرچ آپریشن کا آغاز کردیا گیا ہے