اسلام آباد (نیوز ڈیسک)نوازشریف حکومت کے دو سالہ دور اقتدار میں گدھوں کی آبادی میں ایک لاکھ کا اضافہ ہوا جبکہ گھوڑوں، اونٹوں اور خچروں میں کوئی اضافہ نہیں دیکھا گیا۔ اقتصادی سروے رپورٹ کے مطابق پیپلزپارٹی کے گزشتہ 5 سالہ دور حکومت میں گدھوں کی آبادی میں چارلاکھ کا اضافہ دیکھا گیا تھا۔سابق صدر جنرل پرویز مشرف کو گدھوں کی آبادی میں 6 لاکھ کا اضافہ کرنے میں پوری دہائی لگ گئی جبکہ نواز شریف نے 1999ءمیں اتنی ہی تعداد میں گدھے بڑھانے میں محض دو سال لئے۔نوازشریف حکومت کے گزشتہ دو سال میں بھینسوں کی تعداد دس لاکھ اضافے کے ساتھ تین کروڑ 56 لاکھ تک جا پہنچی ہے جبکہ بکریوں کی تعداد میں 18 لاکھ کا اضافہ ہوا۔