لاہور(آن لائن) صوبائی وزیر فیاض الحسن چوہان نے کہا ہے کہ اپوزیشن احتجاج کا شوق پورا کرے لیکن کسی سزا یافتہ شخص کو جلسے جلوسوں کی اجازت نہیں دیں گے۔ مولانا فضل الرحمان آج کل بیروزگار ہے۔ سیاست میں رہنے کیلئے مدرسے کے بچوں کااستعمال کررہے ہیں۔پنجاب اسمبلی کے باہر میڈیا سے گفتگو کرتے ہوئے چوہان نے بلوچستان اور شمالی وزیر ستان میں شہید جوانوں کو خراج عقیدت پیش پیش کیا۔ انہوں نے کہا کہ مولانا فضل الرحم نے اصول کے نام پر وصول کی سیاست کرتے ہیں۔

مولانا کا کام اللہ کا پیغام پھیلانا ہے لیکن وہ آج کل بے روزگار ہیں ان کا کام نوازشریف اور آصف زرداری کا پیغام ایک دوسرے کو پہنچانا ہے۔ مولانا فضل الرحمن مدرسوں کے بچوں کو استعمال کر کے حکومت کی رٹ کو چیلنج نہیں کر سکتے۔انہوں نے کہا کہ اپوزیشن احتجاج کا شوق ضرور پورا کرے لیکن بیگم صفدر اعوان جرائم پیشہ لوگ نہ آئے جس کو سزا ہو وہ مجرم ہوتا ہے۔ فیاض الحسن چوہان نے کہا کہ اپوزیشن نے اپنی چالیس سال کی سیاہ کاری یاد کرکے یوم سیاہ جبکہ حکومت نے یوم تشکر منایا۔