کراچی(این این آئی)فیڈرل بورڈ آف ریونیو نے موٹرسائیکل اور رکشے پر ودہولڈنگ ٹیکس عائد کرنے سے متعلق خبروں کی تردید کردی ہے۔چیئرمین ایف بی آرشبرزیدی نے صوبائی وزیر ایکسائزمکیش چاؤلہ کے دعوے کو بے بنیاد قرار دیتے ہوئے کہا کہ
موٹرسائیکل خریداری پرکوئی نیا ٹیکس نہیں لگایا گیا۔ایف بی آرکے خط کے ساتھ منسلک ریٹ لسٹ جعلی ہے۔محکمہ ایکسائز سندھ کو ٹیکس کی وصولی کے لئے لکھے جانے والے خط سے منسلک قرار دی جانے والی جعلی ریٹ لسٹ میں ود ہولڈنگ ٹیکس کے بعد نئی موٹر سائیکل کی رجسٹریشن میں 17 ہزار روپے کا اضافہ اور رکشے کی رجسٹریشن بھی 3 ہزارایک سو سے بڑھا کر 10 ہزار 750 روپے دکھائی گئی۔ایف بی آر کی جانب سے جاری بیان میں کہا گیا ہے کہ موٹر سائیکل یا رکشہ پر ایڈوانس یا ود ہولڈنگ ٹیکس عائد نہیں کیاگیا۔ایف بی آرکے مطابق انکم ٹیکس آرڈیننس سیکشن 231 بی یا 234 میں تبدیلی نہیں کی گئی۔ معاملے پر کمشنران لینڈ ریونیو کراچی سے بھی وضاحت مانگ لی گئی ہے۔سندھ کے وزیرایکسائز مکیش کمارچاؤلہ نے کہاتھا کہ وفاقی حکومت عوام پرٹیکس بم گرانے جارہی ہے جسے روکنے کی کیلئے سندھ حکومت پوری کوشش کرے گی۔ انہوں نے کہاکہ نان فائلر کیلئے وفاق نے موٹرسائیکل پر 38 ہزار روپے تک ٹیکس لگادیا ہے۔ فیڈرل بورڈ آف ریونیو نے موٹرسائیکل اور رکشے پر ودہولڈنگ ٹیکس عائد کرنے سے متعلق خبروں کی تردید کردی ہے۔چیئرمین ایف بی آرشبرزیدی نے صوبائی وزیر ایکسائزمکیش چاؤلہ کے دعوے کو بے بنیاد قرار دیتے ہوئے کہا کہ موٹرسائیکل خریداری پرکوئی نیا ٹیکس نہیں لگایا گیا۔
