اسلام آباد (این این آئی) چیئر مین ایف بی آر شبر زیدی نے کہا ہے کہ انکم ٹیکس آرڈیننس 2001 کی شق 181AAکے تحت کمرشل یا انڈسٹریل گیس اور بجلی کے صارفین کے لیے ایکٹیو ٹیکس پیئر لسٹ(ATL) میں شامل ہونا ضروری ہے-ایک بیان میں انہوں نے کہاکہ اِنکم ٹیکس قانون کے تحت 500 اسکوائر یارڈ سے ذیادہ کا گھر یا 1000سی سی سے ذیادہ کی گاڑی رکھنے والے پر ٹیکس ریٹرن فائل کر نا لازم ہے۔ انہوں نے کہاکہ 2018 کی ٹیکس ریٹرن جمع کرانے کی تاریخ میں 2اگست 2019 تک توسیع کردی گئی ہے۔انہوں نے کہاکہ اس موقع سے فائدہ اٹھائیں اور کسی بھی پریشانی سے بچیں۔