اسلام آباد(آن لائن)پاکستان پیپلز پارٹی نے مراد سعید اور علی زیدی شہزاد اکبر کی پریس کانفرنس کو نیب اختیارات میں مداخلت قرار دے دیا۔ پاکستان پیپلز پارٹی کے سیکرٹری جنرل سید نیر حسین بخاری نے میڈیا سے گفتگو میں کہا ہے کہ
جائیداد ضبط کرنے کا اختیار وزراء کے پاس نہیں بلکہ عدالتوں کے پاس ہے،وفاقی وزرا معاونین خصوصی اور مشیروں نے حکومتی نااہلی نالائقی اور غیر زمہ داری سے توجہ ہٹانے کے لئے من گھڑت الزامات کو روزانہ کا معمول بنا لیا ہے نیر بخاری نے کہا کہ جائیداد ضبط کرنے کا اختیار وزیر اعظم کو بھی نہیں ہے یہ نیب قانون بھی واضح ہے نیر بخاری نے استفسار کیا کہ کیا نیب قانون میں زیراعظم یا وزراء کے اختیارات کا کوئی ذکر ہے انہوں نے مزید کہا کہ جائیداد ضبط کرنے کا اختیار وہ بھی عدالتوں کے احکامات کی روشنی میں چیئرمین نیب کے پاس ہے، نیر بخاری نے کہا کہ آصف زرداری کے خلاف ثبوت ہیں تو عدالت میں جائیں اصل حقائق اور عوامی مسائل سے توجہ ہٹانے کے لئے بے نامی جائیداد کے بے بنیاد الزامات لگائے جا رہے ہیں، بے نامی جائیداد جس کے نام ہے وہ جانے اور نیب جانے انہوں نے کہا کہ وفاقی وزراء کو آج نہیں تو کل ان بھڑکوں کا جواب دینا پڑے گاوفاقی وزراء پنجابی فلموں کی بھڑکیں مار رہے ہیں۔
