اسلام آباد(نیوزڈیسک) میٹرو بس منصوبے کی افتتاحی تقریب کے موقع پر سیکیورٹی خدشات کے پیش نظر اسلام آباد پولیس نے ریڈزون میں اساتذہ وکلرکوں ، واپڈا ملازمین کا دھرنا ختم کرا دیا جبکہ مزاحمت پرایپکا کے عہدیداروں سمیت 70 مظاہرین کو گرفتار کے تھانے منتقل کردیا ، کار سرکار میں مداخلت ، ریڈ زون میں احتجاج کرنے پر 500 ملازمین کیخلاف مقدمہ بھی درج کر لیا گیا، لاٹھی چارج اور مزاحمت کے دوران ہاتھاپائی کئی افراد زخمی بھی ہوگئے ۔ ۔تفصیلات کے مطابق بدھ کووفاقی اداروں کے کلرکوں نے تنخواہوں میں سو فیصد اضافے کیلئے پانچ روز سے احتجاجی دھرنا دے رکھا ہے تاہم میٹرو بس منصوبے کی افتتاحی تقریب کے دوران سیکیورٹی خدشات کے پیش نظر اسلام آباد پولیس نے آبپارہ میں کلرکوں کا5روز سے جاری والا دھرنا ختم کرا دیا۔پولیس کے دھرنا ختم کرانے کے موقع پر مظاہرین اور پولیس اہلکاروں کے درمیان جھڑپیں شروع ہوگئیںاور ملازمین نے حتی الوسع مزاحمت بھی کی جس پر70ملازمین کو گرفتارکر لیاگیا، اسی طرح کار سرکار میں مداخلت اور ریڈ زون میں احتجاج کرنے پردیگر 500 سے زائد افراد کے خلاف تھانہ آبپارہ میں مقدمہ درج کر لیا گیا۔ وفاقی اداروں کے درجنوں کلرک کا تنخواہوں میں 100 فیصد اضافے کیلئے 5 روز سے احتجاجی دھرنے پرتھے ،تھانہ آبپارہ پولیس نے سیکورٹی خدشات کے پیش نظر کلرکوں کو دھرنا ختم کرنے کی ہدایت کی تھی جس پر احتجاجی کلرکوں نے دھرنا ختم کرنے سے صاف انکار کر دیا اور مزاحمت کی ، ہاتھا پائی میں کئی ملازمین زخمی بھی ہوئے۔ پولیس نے 70مظاہرین کو گرفتار کر نے کے بعد متعلقہ تھانے میںجگہ کم پڑجانے کے باعث تھانہ کوہسار منتقل کر دیا۔پولیس نے شہر کے مختلف علاقوں میں احتجاج کرنے والے ایپکا ملازمین کو بھی حراست میں لے لیا جن میں اسلم خان، حاجی ارشاد،اللہ بخش و دیگر شامل ہیں جبکہ مظاہرین نے قومی اسمبلی کے احاطے میں داخل ہونے کی کوشش کی جس پر پولیس نے مظاہرین پر لاٹھی چارج کر کے انہیں منتشرکردیا۔گرفتار ہونے والے مظاہرین ایپکا کے صدر حاجی ارشاد نے کہا کہ ایڈہاک ریلیف کو بیسک پے میں ضم کرنے، اوور ٹائم اسکیل کی منظوری، ہاﺅس رینٹ کی بحالی اور میڈیکل الاﺅنس میں 100فیصد اضافہ کیا جائے ۔ انہوں نے کہا کہ مہنگائی کو مدنظر رکھتے ہوئے ہماری تنخواہوں میں بھی 100 فیصد اضافہ کیا جائے اور اگر ہمارے مطالبات پورے نہ کئے گئے تو ہر صوبے میں بھرپور مظاہرے کئے جائیں گے۔
میٹرو بس منصوبے کی افتتاحی تقریب ، 70 مظاہرین گرفتار
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































