لاہور(نیوزڈیسک)وزیرقانون پنجاب رانا ثنا اللہ نے کہا ہے کہبلدیاتی الیکشن نے خیبر پختونخوا ہ پولیس میں ریفارمز کا بھانڈا پھوڑ دیا ہے،پی ٹی آئی نے پولیس کی مدد سے بد ترین دھاندلی کی ، علی امین گنڈا پور کی گرفتاری ٹوپی ڈرامے کے سوا کچھ نہیں،یہ ڈرامہ میاں افتخار کی غیر قانونی گرفتاری کی خفت مٹانے کے لئے رچایا گیا۔ایک بیان میں رانا ثنا اللہ نے کہا کہ علی امین گنڈا پور کے ساتھ حوالات میں وی آئی پی سلو ک کیا جا رہا ہے۔یہ گرفتاری میاں افتخار کی غیر قانونی گرفتاری کی خفت مٹانے کے لئے عمل میں لائی گئی جو ٹوپی ڈرامہ ہے۔ انہوں نے کہا کہ بلدیاتی الیکشن نے خیبر پختونخوا ہ پولیس میںریفارمز کا بھانڈا پھوڑ دیا ہے،پی ٹی آئی نے پولیس کی مدد سے خیبر پختوانخواہ کے طو ل و عرض میں بد ترین دھاندلی کی۔انہوں نے کہا کہ خیبر پختوانخواہ کے الیکشن کی دھاندلی نے پی ٹی آئی کے جماعتی انتخابات کی یاد تازہ کر دی ہے۔