واشنگٹن (این این آئی)امریکی ریاست الاسکا میں انٹرنیٹ پر نامعلوم شخص نے نوے لاکھ ڈالر کا جھانسا دیکر کمسن بچی کو ورغلا کر اپنی دوست کو قتل کرنے پر آمادہ کرلیا۔میڈیا رپورٹ کے مطابق اٹھارہ سالہ ڈینیلی بریمر نے اپنے چار ساتھیوں سمیت انیس سالہ سنتھیا ہوفن کو ہائکنگ کے دوران منصوبے کے تحت موت کے گھاٹ اتار دیا۔گھنائونی کارروائی کی وڈیو بنا کر ہدایات کے مطابق آن لائن خود کو ٹائلر نامی ارب پتی بتانے والے شخص کو بھیجیں۔پولیس نے واردات میں ملوث نوجوانوں اور بچوں کے ساتھ زیادتی جیسے دیگر جرائم میں ملوث شخص کو گرفتار کرلیا۔انٹرپول کے سابق

چیف مینگ ہونگ وائی نے 2.1 ملین ڈالر کی رشوت لینے کا اقرار کیا ۔غیر ملکی میڈیا کے مطابق انٹرپول کیسابق چیف مینگ ہونگ وائی نے چینی عدالت میں 2.1ملین ڈالرکی رشوت ستانی کا اقرار جرم کیا وہ اس سلسلے میں چین میں چل رہے ایک مقدمے کا سامنا کر رہے ہیں۔مینگ ہونگ وائی کو عدالت مخصوص تاریخ یا وقت پر سزا سنائے گی، مینگ گزشتہ سال ستمبر میں فرانس سے چین کے دورے پر آئے اور پھر لاپتہ ہوگئے تھے،بعد میں چین میں ان پر رشوت ستانی کاالزام عائد کرکے ان کی حراست ظاہر کردی تھی۔واضح رہے کہ مینگ کی اہلیہ نے فرانس میں سیاسی پناہ لی ہوئی ہے۔