ریاض(این این آئی)سعودی وزیر مملکت امور خارجہ عادل الجبیر نے حالیہ کشیدگی پر اپنے ردعمل میں کہا ہے کہ عالمی برادری ایران کے جارحانہ کردار کو لگام ڈالنے کے لیے پْرعزم ہے۔میڈیا رپورٹ کے مطابق انہوںنے کہاکہ ایران آبنائے ہْرمز کو بند کرتا ہے تو سخت ردعمل کا سامنا کرنا پڑیگا، ایران کے جارحانہ کردار کی وجہ سے
صورت حال بہت سنگین ہو چکی ہے۔انہوں نے کہاکہ بین الاقوامی جہاز رانی میں رخنہ ڈالیں گے تو اس کے توانائی کی سپلائی پر اثرات ہوں گے۔تیل کی بڑھتی ہوئی قیمتیں عالمی معیشت کو بھی متاثر کریں گی جس سے ہر شخص ہی متاثر ہوگا۔سعودی وزیر مملکت امور خارجہ عادل الجبیرنے کہا کہ سعودی عرب بغداد کے ساتھ اپنے تعلقات کو مضبوط بنا رہا ہے۔
