راولپنڈی ( نیوز ڈیسک)کرنسی سمگلنگ کیس میں ماڈل گرل ایان علی کی درخواست ضمانت پر سماعت تیسری مرتبہ بغیر کارروائی ملتوی کر دی گئی۔کرنسی سمگلنگ کیس کی ملزمہ ایان علی کی درخواست ضمانت پر سماعت راولپنڈی کی کسٹم عدالت میں آج ہونا تھی تاہم سپیشل جج کسٹم رانا ا فتاب کی رخصت کے باعث کیس کی سماعت بغیر کارروائی ملتوی کر دی گئی۔ ملزمہ کے وکیل کی جانب سے درخواست ضمانت پر آج بحث ہونا تھی۔ ایان علی کی درخواست ضمانت پر سماعت تین جون کو ہوگی۔ سانحہ ڈسکہ کیخلاف وکلاء کی ہڑتال کے باعث ایان علی کی درخواست ضمانت پر سماعت گزشتہ روز بھی نہیں ہو سکی تھی۔