اسلام آباد (این این آئی)سابق صدر آصف زرداری کے پروڈکشن آرڈر جاری کرنے کے لئے حکومتی اتحادی ارکان نے بھی پیپلز پارٹی کی حمایت کردی ۔ بدھ کو پیپلز پارٹی کی جانب سے اسپیکر کو باضابطہ خط لکھا دیا گیا ،خط پر ایم کیو ایم، بلوچستان عوامی پارٹی، شاہ زین بگٹی نے دستخط کردیئے ،خط پر جماعت اسلامی اور آزاد رکن اسلم بھوتانی کے بھی دستخط ہیں ،خط پر ن لیگ اور جے یو آئی ایف نے بھی دستخط موجود ہیں ۔

خط کے متن میں کہاگیاکہ اسمبلی رولز کے تحت آصف زرداری کے پروڈکشن آرڈرز جاری کئے جائیں۔دوسری جانب وفاقی وزیر بحری امور علی حیدر زیدی نے کہا ہے کہ مجرموں کے پروڈکشن آرڈر جاری نہیں ہوتے۔سماجی رابطے کی ویب سائٹ ٹوئٹر پر اپنے بیان میں وفاقی وزیر بحری امور علی حیدر زیدی نے اپنے بیان میں سابق صدر آصف علی زرداری کو تنقید کا نشانہ بناتے ہوئے کہاکہ مجرموں کے پروڈکشن آرڈر جاری نہیں ہوتے۔

موضوعات:زرداری