فیصل آباد(آن لائن)چینی باشندوں کی پاکستانی لڑکیوں سے شادی اور چین لے جا کر ان پر تشدد اور مبینہ طور پر اعضاء کی خریدوفروخت کے کیس میں گرفتار پندرہ چینی باشندوں اور سات پاکستانی ایجنٹوں کی ضمانت منظور‘ رہائی کا حکم‘ کچھ عرصہ قبل چینی باشندوں کی پاکستانی لڑکیوں سے شادیوں اور چین لے جا کر تشدد کا نشانہ بنانے کا معاملہ سامنے آیا جس پر پاکستانی ادارے متحرک ہوئے اور انہوں نے اس گروہ میں شامل 15 چینی باشندوں اور

7 پاکستانی ایجنٹوں کو حراست میں لے لیا جن کے خلاف مقدمہ درج کر کے عدالتوں میں سماعت جاری تھی‘ ایڈیشنل سیشن جج ہارون خان اور سینئر سول جج شہباز حجازی کی عدالتوں میں زیر سماعت مقدمات میں پندرہ چینی ملزمان اور سات پاکستانی ایجنٹوں کاشف نواز‘ زاہد مسیح‘ شان حیدر‘ سنیل مسیح‘ یاسر سعید‘ عبدالنوید‘ قیصر بھٹی کو ضمانت پر رہا کرنے کا حکم دیدیا گیا جبکہ چینی گینگ کی سرغنہ مس کینڈس کی درخواست ضمانت مسترد کر دی گئی۔