نیروبی(آن لائن)تنزانیہ کے وزیرصحت نے اتوار کو ایبولا بیماری کا ’’الرٹ‘‘ جاری کردیا ، جس میں عوامی جمہوریہ کانگو میں 1400سے زائد افراد ہلاک ہوئے ہیں اور یہ بیماری ان کے مشترکہ پڑوسی یوگنڈا میں سامنے آئی ہے ۔’’میں عوام کو آگاہ کرنا چاہتا ہوں کہ ہمارے ملک میں ایبولا کی وباء کا خطرہ ہے‘‘ یہ بات یومی موالیمو نے ٹوئٹ میں بتائی ، چند روز قبل اہلکاروں نے تصدیق کی تھی کہ ڈی آر سی کا سفر کرنیوالا ایک خاندان کے افراد
مغربی یوگنڈا میں فوت ہوئے ہیں ۔وزیرنے کہا کہ تنزانیہ اور یوگنڈا کے عوام کے درمیان سرکاری سرحدوں یا دیگر غیر باضابطہ راستوں کے ذریعے بہت زیادہ میل ملاپ کی وجہ سے الرٹ جاری کرنا ضروری تھا۔ انہوںنے کہاکہتنزانیہ کے شمال مغربی علاقے کاگیرا ، موانزا اور کگوما میں سب سے زیادہ خطرہ ہے ۔انہوں نے کہاکہ ’’لیکن جیسا کہ یہ بیماری ایک شخص سے دوسرے شخص کو بہت آسانی اور جلدی سے منتقل ہوتی ہے ، کو تقریباً پورا ملک خطرے سے دو چار ہے ‘‘۔
