اسلام آباد(مانیٹرنگ ڈیسک) وزیر اطلاعات خیبر پختونخوا شوکت یوسفزئی کی پریس کانفرنس سوشل میڈ یا پر بلی کا فلٹر لگا کر لائیو نشرہوگئی ،میڈیا رپورٹس کے مطابق خیبر پختونخوا کے وزیر اطلاعات شوکت یوسفزئی پریس کانفرنس کر رہے تھے جسے صوبائی حکومت نے فیس بک پر لائیو نشر کیا
لیکن اس دوران سوشل میڈیا ٹیم اہلکار فیس بک کی لائیو سٹریمنگ کے دوران ’’کیٹ فلٹر‘‘ہٹانا بھول گئے اور پھر لائیو سٹریم میں شوکت یوسفزئی اور محکمہ اطلاعات کے افسر کے سر پر بلی کے مارکس لہراتے رہے ۔نجی ٹی وی کے مطابق سوشل میڈ یا انچارج نے غفلت کے مرتکب اہلکاروں کو معطل کردیا ۔
