لاہور(نیوز ڈیسک) پاکستان کرکٹ بورڈ کی سنٹرل ایگزیکٹو کمیٹی کے چیئرمین، گورننگ بورڈ کے رکن، پی سی بی کے سابق چیئرمین، سابق نگران وزیر اعلیٰ پنجاب اور معروف صحافی نجم سیٹھی نے آئی سی سی کی صدارت نہ سنبھالنےکا فیصلہ کیا ہے، پاکستان کرکٹ بورڈ نے آئی سی سی کی صدارت کا حق ملنے کے بعد نجم سیٹھی کو گزشتہ سال اس عہدے کے لئے نامزد کیا تھا اور انہیں جولائی میں یہ عہدہ سنبھالنا تھا۔ نجم سیٹھی نے ٹوئٹر کے ذریعےاپنے اس فیصلے کا اعلان کیا۔ انہوں نے ٹویٹ میں لکھا کہ میں نے آئی سی سی کی صدارت نہ سبنھالنے کا فیصلہ کیا ہے۔ پی سی بی کسی سابق کرکٹرز کو اس عہدے کے لئے نامزد کرے۔ دوسرے ٹویٹ میں انہوں نے لکھا کہ پاکستان میں کرکٹ کی بحالی کے بعد اب کسی سابق کرکٹر کا یہ حق ہے کہ اسے آئی سی سی صدارت کے لئے نامزد کیا جائے۔