لاہور(نیوزڈیسک) صوبائی وزیر قانون رانا ثنا اللہ خاں نے کہا ہے کہ خیبر پختوانخواہ کے بلدیاتی الیکشن میں بدترین دھونس دھاندلی نے عمران خان اور پی ٹی آئی کو بے نقاب کر دیا ہے۔ایک بیان میں انہوں نے کہا کہ بلدیاتی انتخابات سے پولیس میں عدم مداخلت اور گڈگورننس کا پراپیگنڈہ کرنے والوں کا چہرہ بے نقاب ہوگیا ہے۔ عوام نے پی ٹی آئی کے صوبائی وزیرکو زبردستی بیلٹ بکس اٹھاتے ہوئے پکڑ لیا۔ خیبر پختوانخواہ پولیس نے پرائیویٹ گن مینوں کی طرح صوبائی وزیر کوگھر پہنچایا۔ انہوںنے سابق صوبائی وزیر اطلاعات میاں افتخار احمد کی گرفتاری پر کہا کہ ان کو ہتھکڑی پہنانا عمران خان کی آمرانہ اور انتقامی سوچ کی عکاس ہے۔