اسلام آباد (نیوزڈیسک)وفاقی وزیر اطلاعات، نشریات و قومی ورثہ سینیٹر پرویز رشید نے عوامی نیشنل پارٹی کے رہنما میاں افتخار کی گرفتاری کی شدید مذمت کرتے ہوئے کہا ہے کہ میاں افتخار کی گرفتاری سیاسی انتقام کی بدترین مثال ہے .خیبرپختونخوا پولیس اور انتظامیہ دونوں عمران خان کی آلہ کار بنی ہوئی ہیںاتوار کو یہاں ایک بیان میں انہوں نے کہا کہ میاں افتخار کی گرفتاری سے یہ واضح ہوتا ہے کہ خیبرپختونخوا پولیس اور انتظامیہ دونوں عمران خان کی آلہ کار بنی ہوئی ہیں۔ انہوں نے کہا کہ خیبرپختونخوا میں بلدیاتی انتخابی عمل میں بڑے پیمانے پر بے ضابطگیاں ہوئیں جن کی مثال کہیں نہیں ملتی۔ انہوں نے کہا کہ بلدیاتی انتخابی عمل کے دوران عمران کے وزیروں نے جو جرائم کئے ان میں تعزیرات پاکستان میں کوئی دفعہ ایسی نہیں جو ان پر عائد نہ ہوتی ہو۔ وفاقی وزیر نے کہا کہ دوسروں پر جھوٹے الزام لگانے والے عمران خان اپنے حقیقی جرائم پر قوم سے کب معافی مانگیں گے۔