لاہور(نیوزڈیسک)ملک کے بیشتر علاقوں میں گزشتہ روز بھی گرمی کی شدت بر قرار رہی ، محکمہ موسمیات نے راولپنڈی ، سرگودہا ، ملتان ، مالاکنڈ ڈویژن سمیت بعض علاقوں میں اگلے چوبیس گھنٹوں میں بارش کی پیشگوئی کر دی ۔محکمہ موسمیات کے مطابق ملک کے زیادہ تر علاقے گزشتہ روز بھی شدید گرمی کی لپیٹ میں رہے ۔تاہم اگلے چوبیس گھنٹے کے دوران ہزارہ، پشاور، اسلام آباد ، راولپنڈی، گوجرانوالہ، سرگودھا، ملتان، ڈی جی خان، بہاولپور، ساہیوال، ژوب ڈویژن، بالائی فاٹا، کشمیر اور گلگت بلتستان میں چند مقامات پر گرد آلود ہواﺅں اور گرج چمک کے ساتھ بارش کا امکان ہے۔