لاہور (نیوزڈیسک) زمبابوے کرکٹ بورڈ نے سکیورٹی انتظامات پر اطمینان کا اظہار کرتے ہوئے واضح کیا ہے کہ شیڈول کے مطابق سیریز مکمل کریں گے ۔زمبابوے کرکٹ بورڈ کے ترجمان نے سکیورٹی کے تمام تحفظات کو مسترد کرتے ہوئے کہا کہ آج ( اتوار ) پاکستان ٹیم کے خلافسیریز کا آخری میچ ضرور کھیلیں گے ۔ ترجمان کا کہنا تھا کہ پولیس انتظامیہ نے سکیورٹی کے بہترین انتظامات کی یقین دہانی کرائی ہے جس کے بعد ٹیم آج ( اتوار ) اپنا آخری ایک روزہ میچ شیڈول کے مطابق کھیلے گی۔اس سے قبل سی سی پی او سمیت دیگر اعلیٰ حکام نے مہمان ٹیم کے آفیشلز سے ملاقات کر کے سکیورٹی کے حوالے سے تبادلہ خیال کیا ۔