ساؤتھمپٹن (مانیٹرنگ ڈیسک) پاکستان اور انگلینڈ کے دوسرے ون ڈے میچ میں پاکستان نے ٹاس جیت کر انگلینڈ کو پہلے بیٹنگ کی دعوت دی جس میں انگلینڈ نے مقررہ اوور میں پاکستان کو جیتنے کے لیے 374 کا ہدف دیا، انگلینڈ نے مقررہ پچاس اوورز میں تین وکٹ کے نقصان پر 373 رنز بنائے،
جیسن رائے نے 87 رنز بنائے حسن علی کی گیند پر عماد وسیم کے ہاتھوں کیچ آؤٹ ہو گئے، جونی بیرسٹو نے 51 رنز بنائے، جے ای روٹ نے 40 رنز بنائے، اس کے بعد مورگن اور جے سی بٹلر نے شاندار کھیل کا مظاہرہ کیا اور ناٹ آؤٹ رہے، مورگن نے 71 اور بٹلر نے 110 رنز بنائے۔ پاکستان کی جانب سے حسن علی، شاہین آفریدی اور یاسر شاہ نے ایک ایک کھلاڑی کو آؤٹ کیا۔ ہدف کے تعاقب کا آغاز کیا تو 92 کے مجموعی سکور پر پاکستان پہلے کھلاڑی امام الحق 35 رنز کے انفرادی سکور پر آؤٹ ہو گئے۔ فخر زمان نے شاندار کھیل کا مظاہرہ کرتے ہوئے 138 رنز بنائے، ان کی اننگ میں چار چھکے اور بارہ چوکے شامل ہیں۔ بابر اعظم اور آصف علی نے 51,51 رنز کی اننگز کھیلی جبکہ حارث سہیل 14 رنز بنا کر آؤٹ ہوئے، عماد وسیم 8، فہیم اشرف 3 رنز بنا کر آؤٹ ہوئے، سرفراز احمد 41 اور حسن علی 4 رنز پر ناٹ آؤٹ رہے اس طرح پاکستانی ٹیم مقررہ اوور میں صرف 361 رنز بنا سکی اور اس کے 7 کھلاڑی آؤٹ ہوئے۔ اس طرح پاکستان یہ میچ 12 رنز سے ہار گیا، انگلینڈ کو پانچ میچوں کی سیریز میں 1-0 سے برتری حاصل ہو گئی ہے، واضح رہے کہ پہلا ون ڈے میچ بارش ہو جانے کے باعث بے نتیجہ رہا تھا۔ دوسرے ون ڈے میچ میں پاکستان نے ٹاس جیت کر انگلینڈ کو پہلے بیٹنگ کی دعوت دی جس میں انگلینڈ نے مقررہ اوور میں پاکستان کو جیتنے کے لیے 374 کا ہدف دیا
