مقبوضہ بیت المقدس(این این آئی)اسرائیلی فوج نے مقبوضہ بیت المقدس میں مسجد اقصیٰ کے باب العامود کے سامنے مسجداقصیٰ میں آنے والے فلسطینیوں پر اندھا دھند گولیاں چلائیں جس کے نتیجے میں کم سے کم چھ روزہ دار زخمی ہوگئے۔غیرملکی خبررساں ادارے کے مطابق عینی شاہدین نے بتایا کہ صہیونی فوج نے مسجد اقصیٰ کے قریب فلسطینیوں کے ایک گروپ کو نشانہ بنایا جس کے
نتیجے میں 6 فلسطینی شہری زخمی ہوگئے۔ اسرائیلی فوج نے فلسطینی شہریوں پر آنسوگیس کی شیلنگ بھی کی۔ہلال احمر کے مطابق اسرائیلی فوج کی فائرنگ سے زخمی ہونے والے 6 فلسطینیوں میں 4 کو شدید زخمی ہونے کے اسپتال منتقل کیا گیا ہے۔اسرائیلی فوج نے فلسطینی مظاہرین پر دھاتی گولیوں کا نشانہ بنایا جس کے نتیجے میں ٹانگوں اور جسم کے دیگر حصوں میں چوٹیں آئیں۔
