تہران(این این آئی)ایران نے ایک بار پھر یورپی یونین کو ایران کیساتھ جوہری بحران کے حل کے لیے 60 دن کی مہلت دیتے ہوئے متنبہ کیا ہے کہ اگر یورپی ملکوں اور جوہری معاہدے پر دستخط کرنیوالے ملکوںنے معاملے کا کوئی ٹھوس حل نہ نکالا تو ایران یورینیم کی افزدوگی دوبارہ شروع کردے گا۔میڈیارپورٹس کے مطابق نائب وزیرخارجہ عباس عراقجی نے یورپی یونین کے ممالک کو ایک انتباہی پیغام ارسال کیا جس میں انہوںنے یورپ کو ایران کیساتھ 2015 کو طے پائے جوہری
معاہدے پر پیدا ہونیوالے بحران کو ساٹھ دن کیاندر اندر حل کرنے پر زور دیا ہے۔برطانوی ڈائریکٹر جنرل برائے خارجہ امور رچرڈ مور سے تہران میں ملاقات کے موقع پر عباس عراقجی کا کہنا تھا کہ یورپی یونین ایران کی طرف سے جوہری معاہدے کی بعض شرائط پرعمل درآمد نہ کرنے کے اعلان کو معمولی نہ سمجھے۔ ہم ایک بار پھر یورپی ملکوں اور سنہ 2015 کو ایران کیساتھ جوہری معاہدہ کرنے والی طاقتوں پر زور دیتیہیں کہ وہ جوہری تنازع کو دو ماہ کے اندر اندر حل کریں۔
