نئی دہلی(این این آئی)نئی دہلی نائب وزیراعلیٰ اور عام آدمی پارٹی کے رہنما منیش سسوڈیا نے الزام عائد کیا ہے کہ بھارت کے لوگ سبھا انتخابات میں مشرقی دہلی سے بی جے پی کے امیدوار سابق ٹیسٹ کرکٹر گوتم گمبھیر اپنے ہم شکل کی مدد سے انتخابی مہم چلارہے ہیں۔غیرملکی خبررساں ادارے کے مطابق نئی دہلی نائب وزیراعلیٰ اور عام آدمی پارٹی کے رہنما منیش سسوڈیا نے الزام عائد کیا کہ دھوپ کی وجہ سے گوتم گھمبیر نے

اپنے ہم شکل کو اپنی جگہ کھڑا کردیا ہے۔سسوڈی کا ٹوئٹ میں کہنا تھاکہ فلموں میں اسٹنٹ ڈبل اور کرکٹ میںرنر کا تو سنا تھا لیکن انتخابی مہم میں ڈپلیکیٹ پہلی مرتبہ دیکھا ہے،سوشل میڈیا پر ایک تصویر شیئر کی گئی ہے جس میں گوتم گمبھیر گرمی کی وجہ سے ایئرکنڈیشن کار میں بیٹھے ہیں جبکہ اْن کا ہم شکل کیپ پہنے گاڑی پر کھڑا ہے ، کارکن اْسے اس طرح ہار پہنا رہے ہیں جیسے وہ حقیقت میں کانگریسی رہنما ہے۔