لاہور (این این آئی) مسلم لیگ (ن) کے مرکزی رہنماؤں نے کہا ہے کہ نوازشریف کے بیانیے میں کوئی تبدیل نہیں آئی،نوازشریف ووٹ کو عزت دو کے نعرے پر قائم ہیں،حکومت ناکام ہوچکی ہے اور اس سے پہلے کے عوام اٹھا کر باہر پھینکے حکومت خود ہی چلی جائے۔ ان خیالات مسلم لیگ (ن) کے مرکزی رہنماؤں شاہد خاقان عباسی، خواجہ آصف،پرویزر شید اور جاوید ہاشمی نے جاتی امراء آمد کے موقع پر میڈیا سے گفتگو کرتے ہوئے کیا۔ مسلم لیگ (ن) کے مرکزی رہنما خواجہ آصف نے کہاکہ نوازشریف کے بیانیے میں کوئی تبدیل نہیں آئی،نوازشریف ووٹ کو عزت دو کے نعرے
پر قائم ہیں۔انہوں نے کہاکہ موجود حکومت تباہی کی جانب جارہی ہے۔ سابق وزیرعظم شاہد خاقان عباسی نے کہاکہ حکومت ہر طرح سے ناکام ہوچکی ہے اور اس سے پہلے کے عوام اٹھا کر باہر پھینکے حکومت خود ہی چلی جائے۔پرویز رشید نے کہاکہ پاکستان کی عوام میاں نواز شریف کے ساتھ ہے جبکہ حکومت بیمار قیدی سے خوف زدہ ہے۔ انہوں نے کہاکہ حکومت نے عوام کی کوئی خدمت نہیں کی اس لیے عوام قیدی کے ساتھ ہیں۔ اس موقع پر گفتگو کرتے ہوئے جاوید ہاشمی نے کہا کہ عمران خان کو لانے والے اب اچھی طرح بھگت بھی رہے ہیں اور سمجھ آچکی ہے۔
