اسلام آباد (این این آئی) پاکستان مسلم لیگ (ن)کی ترجمان مریم اورنگزیب نے حکومت پر شدید تنقید کرتے ہوئے کہا ہے کہ ملک کا جو حال کررہے ہیں سب کے سامنے ہے۔ میڈیا سے بات چیت کرتے ہوئے انہوں نے کہاکہ لاہور کے کارکنان کی خواہش تھی کہ نواز شریف کو قافلے کی صورت میں جیل لے جایاجائے۔انہوں نے کہاکہ مریم نواز کا نوازشریف کے ساتھ جانے کا فیصلہ پارٹی نے کیا ۔صحافی نے سوال کیا کہ (ن )لیگ کے کیمپوں میں خاموشی تھی اور تاثر تھا کہ کوئی ڈیل ہو رہی ہے؟ اب ایک بار پھر سیاسی پاور کا بھی مظاہرہ کیا جا رہا ہے تو اب کیا صداقت ہے ؟ مریم اور نگزیب نے جواب دیا کہ ڈھیل اور ڈیل کی باتیں کرنے والوں کو معلوم ہے ایسا کچھ نہیں ۔ انہوں نے کہاکہ نواز شریف صاحب کی ضمانت کا وقت ختم ہو رہا ہے ۔ مریم اورنگزیب نے کہاکہ بدقسمتی ہے ملک کو جس نے ایٹمی قوت بنایا سی پیک جس نے دیا ، وہ جیل جا رہا ہے۔ مریم اورنگزیب نے کہاکہ پی ٹی آئی والے ملک کو جو حال کر رہے ہیں وہ سب کے سامنے ہے۔