اسلام آباد (مانیٹرنگ ڈیسک)کوئی جنگ نہیں ہے ہتھیار پھینکے ہوئے ہیں ۔ تفصیلات کے مطابق وفاقی وزیر ریلوے شیخ رشید احمد خان نے نجی ٹی وی کے پروگرام میں گفتگو کرتے ہوئے کہا ہے کہ نواز شریف ، شہباز شریف اور آصف علی زرداری نے اپنے تابوت میں خود ہی کیل ٹھونک دیئے ہیں، ان کی سیاست کو ختم ہوتے ہوئے دیکھ رہا ہوں ۔ تحریک انصاف کا شہباز شریف کیخلاف چلنے والا کیس بہت سریس ہے ۔منی لانڈرنگ والے ، چینی والے سب سلطانی گواہ بن گئے ہیں ۔میں مستقبل میں ان کی سیاست کو ختم ہوتے ہوے دیکھ رہا ہوں ۔
وفاقی وزیر ریلوے شیخ رشید احمد کا کہنا تھا کہ ہم نے شہباز شریف کو پبلک اکائونٹس کمیٹی کا چیئرمین بنا کر بہت بڑی غلطی کی تھی ۔میں خود اپنی آنکھوں سے شہباز شریف کو این آر او مانگتےدیکھا ہے جس کے کیلئے میں نے انہیں ٹی وی پر آنے کا چیلنج بھی کیا تھا لیکن وہ نہیں آئے ۔ اس معاملے کو لے کر میں نے تھوڑی سی لچک دیکھانے کی کوشش کی تھی لیکن وزیراعظم عمران خان کا کہنا تھا کہ نہیں ’’شیخ رشید ‘‘میں انہیں نہیں چھوڑنے والا ، قوم کا لوٹا ہوا پیسہ جب تک واپس نہیں آتا میں چین سے بیٹھنے والا نہیں ہوں ۔
