کابل(این این آئی)افغان طالبان نے کہا ہے کہ افغانستان سے غیر ملکی افواج کے مکمل انخلا کے حوالے سے خصوصی امریکی نمائندے کے ساتھ جاری مذاکرات میں پیش رفت ہوئی ہے اور اختلافات بھی دور ہو رہے ہیں۔غیرملکی خبررساں ادارے کے مطابق قطر کے دارالحکومت دوحہ میں ان دنوں امن مذاکرات کا چھٹا دور جاری
ہے۔ طالبان کے ترجمان سہیل شاہین کے مطابق افغانستان سے مغربی دفاعی اتحاد نیٹو اور امریکی افواج کے انخلا کے حوالے سے دونوں فریقین نے نئی تجاویز پیش کی ہیں۔ شاہین نے اپنے ایک آڈیو پیغام میں اس پیش رفت کی اطلاع دی۔ شاہین کے بقول، فریقین کے مابین فاصلے کم کرنے کے لیے تجاویز موجود ہیں تاہم کسی حتمی نتیجے تک پہنچنے کے لیے مزید بات چیت درکار ہے۔
