مقبوضہ غزہ(این این آئی)اسلامی جہاد نے کہا ہے کہ فلسطین کی مزاحمتی قوتیں ملک وقوم کے دفاع اور سلب کیے گئے حقوق کے حصول کی جدو جہد کررہی ہیں،صہیونی ریاست کے جرائم کے خلاف زمان ومکان کی قید سے آزاد ہو کر جدوجہد جاری رکھیں گے۔مرکزاطلاعات فلسطین کے مطابق اسلامی جہاد کی طرف سے جاری ایک بیان میں کہا گیا کہ اسرائیلی فوج کا غزہ میں فلسطینی مظاہرین اور
مجاھدین پر حملہ وحشیانہ ریاسی دہشت گردی اور بزدلی ہے۔بیان میں کہا گیاکہ اسرائیلی فوج کی ریاستی دہشت گردی فلسطینیوں کو تحریک آزادی اور مسلح مزاحمت سے باز نہیں رکھ سکتی۔اسلامی جہاد کا کہنا تھاکہ اسرائیلی فوج پوری دنیا کے سامنے فلسطینیوں کے حقوق پامال کرنے کے ساتھ ساتھ اپنے جرائم پر پردہ ڈالنے کے لیے صحافیوں اور ابلاغی اداروں کے کارکنوں پر حملے کر رہا ہے۔
