تہران(این این آئی)ایران نے کہا ہے کہ وہ ہلکی نوعیت کی یورنیم کی افزودگی کا عمل جاری رکھے گا۔غیرملکی خبررساں ادارے کے مطابق پارلیمانی اسپیکر علی لاریجانی نے کہا کہ عالمی جوہری ڈیل کے مطابق تہران بھاری پانی کی پیدوار کے عمل کو جاری رکھ سکتا ہے، اس لیے یورنیم کی افزودگی کا عمل جاری رکھا جائے گا۔
ان کا یہ بیان ایک ایسے وقت پر سامنے آیا ، جب امریکانے کہا کہ ایران کو یورنیم کی افزودگی مکمل طور پر بند کر دینا چاہیے۔ بھاری پانی ری ایکٹرز کے ذریعے پلوٹینیم پیدا کر سکتا ہے، جو جوہری ہتھیاروں کے لیے اہم جزو ہے۔ تاہم ایران کا کہنا تھا کہ وہ اس فیول کو سول نیوکلیئر پلانٹ کے لیے پیدا کر رہا ہے۔
