لاہور (این این آئی) قومی کرکٹ ٹیم کے سابق کپتان اور مایہ ناز آل راؤنڈر شاہد خان آفریدی نے انکشاف کیا ہے کہ 2009ء میں ایک سینئر بلے باز نے یونس خان کے خلاف بغاوت کی۔شاہد آفریدی نے اپنی سوانح عمری گیم چینجر میں انکشاف کیا ہے کہ ٹیم کے ایک سینئر بلے باز نے 2009ء میں یونس خان کے خلاف بغاوت کی، چیمپئنز ٹرافی کے دوران اس بیٹسمین نے سب کو یونس خان کے خلاف اکسایا تھا۔سابق کپتان نے مزید

کہا کہ رانا نوید الحسن، شعیب ملک اور سعید اجمل نے بھی باغی کرکٹر کا ساتھ دیا، باغی کرکٹر بعد میں کپتان بنا، ایک میچ بھی نہیں جیت سکا۔شاہد آفریدی نے کہا کہ 2009ے میں جو کچھ ہوا غلط ہوا، یونس کے خلاف بغاوت کرنے والے کے ساتھ جو ہوا وہ جیسی کرنی ویسی بھرنی تھا۔سابق آل راؤنڈر نے کہا کہ ہمارے ہاں ہر کپتان خود کو عمران خان سمجھنا شروع کر دیتا ہے، ہر کھلاڑی الگ ہے، کوئی عمران خان نہیں بن سکتا۔