لاہور (نیوزڈیسک) صوبائی وزیر قانون رانا ثناءاللہ نے کہا ہے کہ ہر فیصلہ عمران خان کی مرضی اور خواہش کے مطابق نہیں ہو سکتا ‘ عمران کسی کی کردار کشی کرنے سے پہلے اپنے گریبان میں جھانکیں ‘ دھرنا سیاست نے ملک کو ناقابل تلافی نقصان پہنچایا۔ جمعہ کو عمران خان کے بیان پر ردعمل کا اظہار کرتے ہوئے رانا ثناءاللہ نے کہاکہ عمران خان جھوٹے اور بے بنیاد الزامات کی سیاست کرتے ہیں ۔ اپنی تسلی کیلئے جے آئی ٹی رپورٹ پڑھ لیں انہوں نے کہاکہ عمران خان ہر فیصلہ اپنی مرضی اور خواہش کے مطابق چاہتے ہیں لیکن ایسا ممکن نہیں ہے۔ انہیں چاہیے کہ کسی کی کردار کشی کرنے سے پہلے اپنے گریبان میںجھانک لیا کریں۔ رانا ثناءاللہ نے کہاکہ عمران خان کی دھرنا سیاست نے ملک کو ناقابل تلافی نقصان پہنچایا ہے۔