اسلام آباد(مانیٹرنگ ڈیسک) بیٹیوں سے زیادتی کیس،معروف پشتو گلوکارہ نازیہ اقبال پراپنے سگے بھائی کو معاف کرنے کیلئےدباؤ ۔ تفصیلات کے مطابق نازیہ کی والدہ نے اپنے سگے بیٹےکو گھناؤنے جرم کے مرتکب ہونے کے باوجود اسے معاف کرنے کے لیے نازیہ پر دباؤ ڈالنا شروع کر دیا ہے۔ سوشل میڈیا پر جاری پیغام میں نازیہ اقبال نے بتایا کہ میری والدہ میری منتیں کر رہی ہیں کہ میں ان کے لیے اپنے سگے بھائی کی جان بخش دوں۔

انہوں نے کہا کہ میں نے وہی کیا جو ایک ماں کو کرنا چاہئے۔ میں تمام لوگوں سے درخواست کرتی ہوں کہ اپنے بچوں کا ساتھ دیں ، ان کے ساتھ کھڑے ہوں اور معاشرے میں موجود درندہ صفت لوگوں سے انہیں محفوظ رکھنے کی ہر ممکن کوشش کریں۔واضح رہے پشتو گلوکارہ نازیہ اقبال کی بیٹیوں کو زیادتی کا نشانہ بنانے پر مقامی عدالت نے ان کے سگے بھائی کو سزائے موت اور 6 لاکھ روپے جرمانے کی سزا کا حکم دیا تھا۔