کراچی (این این آئی) قومی مین ویمن جوڈو چمپئن شپ 30اپریل تا 4مئی 2019ء اسلام آباد میں منعقد ہوگی ،سندھ جوڈو ایسوسی ایشن کی جانب سے قومی چمپئن شپ کے لئے سندھ کے تمام شہروں سے نمائندگی کے ساتھ ٹیم تشکیل دی گئی ۔گرلز میں 8اور بوائز میں 10رکنی دستہ سندھ کی نمائندگی کریگا سندھ کی ٹیم چمپئن شپ میں شرکت کے لئے اسلام آباد روانہ ہوگئی ۔
سندھ ویمن ٹیم میں انوشہ رفیق 40KGکراچی ،مریم رفیق 44KGکراچی ،انعمتہ شاہ 48KGکراچی ،کنزہ قاضی 52KGحیدرآباد ،مسکان شاہ 57KGکراچی ،ثناء صدیقی 63KGحیدرآباد ،سارہ 70KGکراچی ،سمیرا اوپن KGکراچی ،جبکہ مین ٹیم میں معیز خان 50KGسکھر ،بلال احمد 55KGکراچی ،شہنشاہ 60KGسکھر، جمیل احمد66KGکراچی ،حیدر عباس 73KGکراچی،ارشد علی 81KGلاڑکانہ، ،اعظم شامی 90KGحیدر آباد ،کرم علی صدیقی 100KGسکھر ،عبداللہ میمن 100KGکراچی اور غضنفر اوپن KG سکھرشامل ہیں جبکہ مین ٹیم منیجر عبدالرحیم خان حیدر آباداور کوچ ملک اقبال (میرپورخاص )ویمن ٹیم کی کوچ عروج فاطمہ(کراچی) ہونگے۔چمپئن شپ میں شرکت کے لئے سندھ کی ٹیم اکراچی کینٹ اسٹیشن سے اسلام آباد کے لئے روانہ ہوگئی ،سندھ جوڈو ایسوسی ایشن کے صدر میجر(ر) محمود ریاض ،جنرل سیکریٹری محمد رفیق ،سیکریٹری اطلاعات محمد ارشد ،سیاسی و سماجی رہنماء محمد سلیم خمیسانی اور اعجاز قریشی کے ہمراہ ٹیم کو روانہ کیا ۔اس موقع میجر(ر) ریاض محمود ریاض محمد رفیق نے ٹیم کے لئے نیک خواہشات کا اظہار کرتے ہوئے کہاکہ انشا اللہ چمپئن شپ میں سندھ کے کھلاڑی شاندار پرفارمنس کا مظاہرہ کرینگے ۔میجر(ر) محمود ریاض اور سیکریٹری محمد رفیق نے سیکریٹری اسپورٹس حکومت سندھ اختر حسین بگٹی کا چمپئن شپ میں سندھ جوڈو کی ٹیم کو اسپانسر کرنے پر اظہار تشکر کیا ۔
