استنبول( آن لائن )ترکی کے پراسیکیوٹر جنرل نے 2016 کی ناکام فوجی بغاوت میں ملوث ہونے اور امریکا میں جلا وطن لیڈر فتح اللہ گولن کی جماعت سے تعلق کے الزام میں 210 ترک فوجیوں کی گرفتاری کا حکم دیا ہے۔خبر رساں اداروں کے مطابق ترک پراسیکیوٹر جنرل کی طرف سے جن فوجیوں کی گرفتاری کے وارنٹ جاری کیے ہیں ۔ان میں فضائیہ، نیوی اور بری فوج کے ساتھ
ساتھ کوسٹ گارڈ سے بھی تعلق رکھنے والے اہلکار شامل ہیں۔ ذرائع مطابق ان میں سے پانچ کرنل کے عہدے، سات لیفٹیننٹ کرنل، 14 میجر اور 33 کیپٹن کے عہدے کے افسران شامل ہیں۔خیال رہے کہ ترک حکومت امریکا میں خود ساختہ جلا وطنی کی زندگی گزارنے والے مذہبی مبلغ فتح اللہ گولن اوران کی جماعت پر سنہ 2016 کی ناکام فوجی بغاوت میں ملوث ہونے کا الزام عائد کرتی ہے۔
