نیویارک(این این آئی)اقوام متحدہ کے صحت سے متعلق ادارے عالمی ادارہ صحت نے بتایا ہے کہ طرابلس میں ہونے والی حالیہ لڑائی کے نتیجے میں 47 افراد ہلاک جبکہ 181 دیگر زخمی ہو چکے ہیں۔غیرملکی خبررساں ادارے کے مطابق یہ بات لیبیا کے دارالحکومت طرابلس کے

قریب واقع طبی مراکز سے حاصل ہونے والی معلومات کی روشنی میں کہی گئی ۔ لیبیا کے مشرقی حصے میں اقتدار رکھنے والے جنگی سردار خلیفہ حفتر کی فورسز دارالحکومت طرابلس کا قبضہ حاصل کرنے کی کوشش میں ہیں جہاں بین الاقوامی طور پر تسلیم شدہ حکومت قائم ہے۔