دبئی(این این آئی)دبئی میں فیس بک پوسٹ کی وجہ سے ایک برطانوی خاتون کو دو سال قید اور 50ہزار پاؤنڈ جرمانہ عائد کردیاگیا ۔میڈیارپورٹس کے مطابق دبئی میں قید افراد کے لیے مہم چلانے والی تنظیم ڈیٹینڈ ان دبئی نے کہا کہ خاتون پر الزام ہے کہ انہوں نے فیس بک پر اپنے سابق شوہر کو احمق اور اس کی نئی بیوی کو گھوڑا لکھا
تھا۔ لندن کی رہائشی 55 سالہ لالح شاہراوش کو 14سالہ بیٹی پیرس کے ہمراہ اس وقت دبئی میں حراست میں لیا گیا جب وہ اپنے سابق شوہرکی آخری رسومات میں شرکت کے لیے وہاں پہنچیں۔قیدیوں کے لیے مہم چلانے والی دبئی کی تنظیم نے دعویٰ کیا کہ لالح کو 2016 میں کے ان دو فیس بک تبصروں کے الزام میں قید کیا گیا جو انہوں نے سابق شوہر پڈروکی نئی شادی پر کیے تھے۔
